ఆధార్ వివరాలు అత్యంత గోప్యంగా ఉంచుతామని, బయో మెట్రిక్ సమాచారాన్ని ఎవరితోనూ పంచుకోమని జైట్లీ స్పష్టం చేశారు. వ్యక్తిగత సమచార భద్రతకు భంగం వాటిల్లకుండా బిల్లులో నిబంధనలు ఏర్పాటు చేశామని వివరించారు. యుఐడిని పౌర ఆమోదపత్రం కింద నమోదు చేస్తామని వివరించారు. ఈ బిల్లులోని క్లాజ్‌ 9ని అనుసరించి ఓ వ్యక్తి, అతనికి సంబంధించిన వివరాలను ఆధార్ నంబర్‌ తెలిసినంత మాత్రన వెల్లడించే హక్కు ఉండదని జైట్లీ పేర్కొన్నారు. రోజుకు 5 నుంచి 7 లక్షలమంది ఆధార్ నమోదు చేయించుకుంటున్నట్లు ఆయన తెలిపారు. కాగా కేంద్ర ప్రభుత్వం పౌరులందరికీ ఆధార్ కార్డులను జారీ చేస్తున్న విషయం తెలిసిందే. ఈ ఆధార్ కార్డు ద్వారా లబ్దిదారులైన ప్రతి ఒక్కరికీ కేంద్ర ప్రభుత్వం పథకాలకు అందజేయనుంది.
No comments:
Post a Comment