స్టేట్ బ్యాంక్ ఆఫ్ ఇండియాలో ప్రొబేషనరీ ఆఫీసర్(పీవో) పోస్టుల భర్తీకి నిర్వహించనున్న ప్రిలిమినరీ పరీక్ష హాల్‌టికెట్లను ఇన్‌స్టిట్యూట్ ఆఫ్ బ్యాంకింగ్ పర్సనల్ సెలక్షన్ (ఐబీపీఎస్) విడుదల చేసింది. పీవో పోస్టులకు దరఖాస్తు చేసుకున్న అభ్యర్థులు అధికారిక వెబ్‌సైట్ నుంచి తమ హాల్‌టికెట్లను డౌన్‌లోడ్ చేసుకోవచ్చు. జూన్ 9 వరకు హాల్‌టికెట్లు అందుబాటులో ఉండనున్నాయి. అభ్యర్థులు తమ రిజిస్ట్రేషన్ నెంబర్, పాస్‌వర్డ్/పుట్టిన తేదీ వివరాలతో హాల్‌టికెట్లు డౌన్‌లోడ్ చేసుకోవచ్చు.SBI-PO Preliminary Exam Hall Tickets
ఎస్‌బీఐలో మొత్తం 2000 పీవో పోస్టుల భర్తీకి నోటిఫికేషన్ వెలువడిన సంగతి తెలిసిందే. ఈ పోస్టుల భర్తీకి జూన్ 8, 9, 15, 16 తేదీల్లో ప్రిలిమినరీ పరీక్ష నిర్వహించనున్నారు. జులై మొదటివారంలో ఫలితాలను వెల్లడించనున్నారు. ప్రిలిమినరీ పరీక్షలో అర్హత సాధించినవారిని మెయిన్ పరీక్షలకు ఎంపికచేస్తారు.
జులై 20న మెయిన్ పరీక్ష
ప్రిలిమినరీ పరీక్షలో అర్హత సాధించిన అభ్యర్థులకు జులై 20న మెయిన్ పరీక్ష నిర్వహించనున్నారు. వీటికి సంబంధించిన హాల్‌టికెట్లను జులై రెండో వారంలో విడుదల చేయనున్నారు. ఆగస్టు మూడోవారంలో మెయిన్ ఫలితాలు వెల్లడిస్తారు. మెయిన్ ఫలితాల్లో ఉత్తీర్ణులైనవారికి సెప్టెంబరులో గ్రూప్ డిస్కషన్, ఇంటర్వ్యూలు నిర్వహిస్తారు. వీటికి సంబంధించిన కాల్ లెటర్లను ఆగస్టు నాలుగో వారంలో విడుదల చేస్తారు. తుది ఫలితాలను అక్టోబరు రెండో వారంలో వెల్లడిస్తారు.
ప్రిలిమినరీ, మెయిన్ పరీక్షల వివరాల కోసం క్లిక్ చేయండి..
No comments:
Post a Comment