గురుకుల ప్రవేశ పరీక్ష ఫలితాల విడుదల

తెలంగాణలోని బీసీ గురుకుల పాఠశాలల్లో 6, 7 తరగతుల్లో అడ్మిషన్ల కోసం నిర్వహించిన ప్రవేశ పరీక్ష ఫలితాలు విడుదలయ్యాయి. బీసీ సంక్షేమశాఖ కార్యదర్శి బుర్రా వెంకటేశం, సొసైటీ కార్యదర్శి మల్లయ్య భట్టు ఫలితాలను విడుదల చేశారు. ఫలితాలను అధికారిక వెబ్‌సైట్‌లో అందుబాటులో ఉంచారు. ప్రవేశ పరీక్షకు హాజరైన విద్యార్థులు వెబ్‌సైట్ ద్వారా తమ ఫలితాలను చూసుకోవచ్చు. కౌన్సెలింగ్‌ తేదీలను త్వరలోనే ప్రకటించనున్నారు. 

6వ తరగతి ప్రవేశ పరీక్ష ఫలితాలు - 2019 

7వ తరగతి ప్రవేశ పరీక్ష ఫలితాలు - 2019 

రాష్ట్రవ్యాప్తంగా పాతజిల్లాల ప్రాతిపదికన మొత్తం 261 బీసీ గురుకుల పాఠశాలలు ఉన్నాయి. వీటిలో 132 బాలుర పాఠశాలలు కాగా.. 129 బాలికల పాఠశాలలు ఉన్నాయి. వీటిల్లో ప్రవేశాల కోసం బీసీ గురుకుల విద్యాలయాల సంస్థ ఏప్రిల్ 30న ప్రవేశ పరీక్ష నిర్వహించింది.