తెలంగాణలో పోలీసు ఉద్యోగాల భర్తీ ఇప్పట్లో పూర్తియ్యేలా కనిపించడంలేదు. కానిస్టేబుల్, ఎస్సై పోస్టులకు నిర్వహించిన ప్రిలిమినరీ రాతపరీక్ష ఫలితాలు వెల్లడించి మూడు నెలలు గడుస్తున్నా.. ఫిజికల్ ఈవెంట్స్‌ (దేహదారుఢ్య పరీక్షలు) నిర్వహణపై ఇంతవరకు ఎలాంటి స్పష్టత రాలేదు. హైకోర్టు ఇచ్చిన ఆదేశాలతో ఈ ప్రక్రియ మరింత ఆలస్యమయ్యేలా కనిపిస్తోంది. ప్రిలిమినరీ పరీక్షలో కొన్ని ప్రశ్నలపై అభ్యంతరం వ్యక్తం చేస్తూ కొందరు అభ్యర్థులు హైకోర్టును ఆశ్రయించారు. దీన్ని విచారించిన న్యాయస్థానం ఆరు ప్రశ్నలపై స్పష్టత లేదని, వాటిని తొలగించి కొత్తగా మరో మెరిట్ జాబితా తయారు చేయాలని ఆదేశించింది.
హైకోర్టు ఆదేశాల మేరకు ఇప్పటికే ప్రకటించిన మెరిట్ జాబితాలో సవరణలు చేసి కొత్త జాబితా రూపొందించాల్సి ఉంటుంది. అయితే ప్రాథమిక కొత్త జాబితా తయారీకి కనీసం 20 రోజులైనా పడుతుంది. ఆ తర్వాతే దేహదారుఢ్య పరీక్షలు నిర్వహించాల్సి ఉంటుంది. ఒకవేళ న్యాయస్థానం తీర్పు ప్రకారం కొత్త మెరిట్ జాబితా ప్రకటించినా.. దేహదారుఢ్య పరీక్షలు నిర్వహించే పరిస్థితి కనిపించడంలేదు. ఎందుకంటే.. ఫిబ్రవరి చివరి వారంలో పార్లమెంటు ఎన్నికలకు నోటిఫికేషన్‌ వెలువడే అవకాశం ఉంది. ఇందుకోసం పెద్దసంఖ్యలో పోలీసు సిబ్బంది పనిచేయాల్సి ఉంటుంది. ఎన్నికల తరుణంలో ఇంతమంది సిబ్బందిని ఫిజికల్ ఈవెంట్ల కోసం కేటాయించడం సాధ్యంకాదు. దీంతో ఎన్నికలు ముగిసేవరకు తదుపరి ప్రక్రియ పూర్తిచేయడం అసాధ్యంగా మారింది.
రాష్ట్రంలో 16,925 కానిస్టేబుల్, 1217 ఎస్సై పోస్టుల భర్తీకి తెలంగాణ రాష్ట్ర స్థాయి నియామక మండలి గతేడాది మే 31న నోటిఫికేషన్‌ విడుదల చేసిన విషయం తెలిసిందే. ఈ ఉద్యోగాల భర్తీకి ప్రిలిమినరీ రాతపరీక్షలు నిర్వహించి.. ఫలితాలను కూడా వెల్లడించారు. ప్రిలిమినరీ పరీక్షలో అర్హత సాధించిన అభ్యర్థులకు డిసెంబరు 17నుంచి దేహదారుఢ్య పరీక్షలు నిర్వహించేందుకు అధికారులు షెడ్యూలు కూడా సిద్ధం చేశారు. అయితే ప్రాథమిక పరీక్షలో కొన్ని ప్రశ్నలపై అభ్యంతరం వ్యక్తం చేస్తూ కొందరు అభ్యర్థులు హైకోర్టును ఆశ్రయించగా.. హైకోర్టు కొత్త మెరిట్ జాబితా విడుదల చేసిన తర్వాతే ఫిజికల్ ఈవెంట్లు నిర్వహించాలని తీర్పు చెప్పింది. దీంతో పోలీసు నియామకాల్లో మరింత జాప్యం చోటు చేసుకునే పరిస్థితి ఏర్పడింది.
రాష్ట్రంలో 16,925 కానిస్టేబుల్, 1217 ఎస్సై పోస్టుల భర్తీకి తెలంగాణ రాష్ట్ర స్థాయి నియామక మండలి గతేడాది మే 31న నోటిఫికేషన్‌ విడుదల చేసిన విషయం తెలిసిందే. ఈ ఉద్యోగాల భర్తీకి ప్రిలిమినరీ రాతపరీక్షలు నిర్వహించి.. ఫలితాలను కూడా వెల్లడించారు. ప్రిలిమినరీ పరీక్షలో అర్హత సాధించిన అభ్యర్థులకు డిసెంబరు 17నుంచి దేహదారుఢ్య పరీక్షలు నిర్వహించేందుకు అధికారులు షెడ్యూలు కూడా సిద్ధం చేశారు. అయితే ప్రాథమిక పరీక్షలో కొన్ని ప్రశ్నలపై అభ్యంతరం వ్యక్తం చేస్తూ కొందరు అభ్యర్థులు హైకోర్టును ఆశ్రయించగా.. హైకోర్టు కొత్త మెరిట్ జాబితా విడుదల చేసిన తర్వాతే ఫిజికల్ ఈవెంట్లు నిర్వహించాలని తీర్పు చెప్పింది. దీంతో పోలీసు నియామకాల్లో మరింత జాప్యం చోటు చేసుకునే పరిస్థితి ఏర్పడింది.
No comments:
Post a Comment