ఆడపిల్లలు జీన్స్ వేసుకోద్దు.................!

భాగ్‌పట్(యూపీ) : ఆడపిల్లలు జీన్స్ వేసుకోద్దు, బిగుతైన దుస్తులు కూడా ధరించ వద్దని యూపీలోని బావ్లీ గ్రామపంచాయతీ తీర్మానించింది. తమ మాట కాదంటే ఆ కుటుంబాన్ని బహిష్కరిస్తామని హెచ్చరించింది. అంతేకాదు మరికొన్ని నిర్ణయాలు కూడా ప్రకటించింది. వరకట్నం తీసుకోం, ఇవ్వం అని గ్రామంలో ఉన్నవారంతా ప్రతిజ్ఞ చేయాలని పంచాయతీ కోరింది. పెండ్లిళ్ల సందర్భంగా డీజే సంగీత కార్యక్రమాలు ఏర్పాటు చేయవద్దని, ఆడశిశువని చెప్పి గర్భస్రావాలు చేయించరాదని తేల్చిచెప్పింది. ఎవరైనా చనిపోయినపుడు పెద్దకర్మ సందర్భంగా నిర్వహించే తేర్వీ ఉత్సవానికి హాజరై భోజనాలు చేయవద్దని కూడా సూచించింది. ఈ నిర్ణయాలను పాటించని వారిని గ్రామం నుంచి వెలివేస్తామని స్పష్టంచేసింది. బావ్లీ గ్రామపంచాయతీ పెద్దగా ఉన్న మహిళ భర్త ఓంవీర్ ఈ వివరాలు మీడియాతో చెప్పారు.