ఇండియన్ ఆర్మీలో 130 పోస్టులు
ఆర్మీలో
130 పోస్టులను 10+2 టెక్నికల్ ఎంట్రీ స్కీమ్ కోర్స్-38 (10+2 టీఈఎస్-38),
టెక్నికల్ గ్రాడ్యుయేట్ కోర్స్-126 (టీజీఎస్-126) ద్వారా భర్తీచేసేందుకు
దరఖాస్తులు ఆహ్వానిస్తూ ప్రకటనలు వెలువడ్డాయి. 10+2 టీఈఎస్-38 ద్వారా 90,
టీజీఎస్-126 ద్వారా 40 పోస్టులను భర్తీ చేయనున్నారు. టీఈఎస్‌కు అవివాహిత
పురుషులు, టీజీఎస్‌కు అవివాహిత/వివాహిత పురుష అభ్యర్థులు అర్హులు.
|
 వయోపరిమితి: 10+2
టీఈఎస్-38 కోర్సుకు.. అభ్యర్థులు 1998, జూన్ 1 - 2001, జూన్ 1 మధ్య
జన్మించి ఉండాలి. టీజీఎస్-126 కోర్సుకు.. 20-27 ఏళ్లలోపు ఉండాలి.
రిజర్వేషన్ నిబంధనలు వర్తిస్తాయి.విద్యార్హత: 10+2 టీఈఎస్-38 కోర్సుకు.. ఫిజిక్స్, కెమిస్ట్రీ, మ్యాథమెటిక్స్ సబ్జెక్టులతో ఇంటర్ లేదా తత్సమాన విద్యార్హత. 70 శాతం మార్కులతో ఉత్తీర్ణులై ఉండాలి. టీజీఎస్-126 కోర్సుకు.. బీఈ/బీటెక్ ఉత్తీర్ణులై ఉండాలి. బీఈ/బీటెక్ ఫైనలియర్ చదువుతున్న విద్యార్థులు కూడా అర్హులే. వేతనం: శిక్షణలో రూ.21,000. అనంతరం లెఫ్టినెంట్, కల్నల్ ... తదితర హోదాలను అనుసరించి వేతనం పెరుగుతుంది. ఎంపిక విధానం: షార్ట్‌లిస్టింగ్, ఎస్‌ఎస్‌బీ ఇంటర్వ్యూ, మెడికల్ ఎగ్జామ్. మొదట దరఖాస్తులను పరిశీలించి కటాఫ్ మార్కుల ఆధారంగా షార్ట్‌లిస్ట్ చేస్తారు. తర్వాత నిర్దేశిత కేంద్రాల్లో ఎస్‌ఎస్‌బీ ఇంటర్య్యూ ఉంటుంది. తర్వాత మెడికల్ ఎగ్జామినేషన్ నిర్వహించి, తగిన శారీరక ప్రమాణాలు, ఆరోగ్యం ఉన్నవారిని ఎంపికచేస్తారు. శారీరక ప్రమాణాలు-ఆరోగ్యం: అభ్యర్థులు కనీసం 157 సెం.మీ. ఎత్తు ఉండాలి. ఎత్తుకు తగిన బరువు, ఆరోగ్యం తప్పనిసరి. దీంతోపాటు టీజీఎస్-126 అభ్యర్థులు 2.4 కి.మీ దూరాన్ని 15 నిమిషాల్లో పరిగెత్తగలగాలి. 3-4 మీటర్ల రోప్ క్లైంబింగ్ అధిగమించాలి. అలాగే 13 పుష్ అప్స్, 25 సిట్ అప్స్, 6 చిన్ అప్స్ నియమిత సమయానికి తీయగలగాలి. శిక్షణ: 10+2 టీఈఎస్-38 వ్యవధి ఐదేళ్లు. ఇందులో మొదట ఏడాదిపాటు గయలోని ఆఫీసర్ ట్రైనింగ్ అకాడమీలో బేసిక్ మిలిటరీ ట్రైనింగ్ ఉంటుంది. అనంతరం రెండోదశలో పేజ్-1 (ప్రీ కమిషన్ ట్రైనింగ్) మూడేళ్లు, పేజ్-2 (పోస్ట్ కమిషన్ ట్రైనింగ్) ఏడాది పాటు పుణె లేదా సికింద్రాబాద్‌లోని మిలిటరీ విభాగాల్లో ఇస్తారు. శిక్షణ విజయవంతంగా పూర్తిచేసుకున్న అభ్యర్థులకు అవార్డ్ ఆఫ్ డిగ్రీ ప్రకటిస్తారు. టీజీఎస్-126 శిక్షణ వ్యవధి ఏడాది. దీన్ని డెహ్రాడూన్‌లోని ఇండియన్ మిలిటరీ అకాడమీలో ఇస్తారు. శిక్షణ అనంతరం ఆఫీసర్ కేడర్‌లో నియమితులవుతారు. దరఖాస్తు విధానం: ఆన్‌లైన్లో దరఖాస్తు చేసుకోవాలి. దాన్ని రెండు ప్రింటవుట్లు తీసుకొని, ఒకదానికి సంబంధిత ధ్రువపత్రాల నకళ్లు తదితరాలను జతచేసి, ఎస్‌ఎస్‌బీ ఇంటర్వ్యూ సమయంలో అందజేయాలి. ఆన్‌లైన్ దరఖాస్తులకు చివరి తేదీ: జూన్ 14, 2017. పూర్తి వివరాలు వెబ్‌సైట్‌లో చూడొచ్చు వెబ్‌సైట్: www.joinindianarmy.nic.in |
No comments:
Post a Comment